16 & 17 DI MEI 2025

Contribucion financiero

Con mi por aplica pa un contribucion financiero?

Solicita pa un contribucion financiero por solamente despues cu bo a registra un trabou. Den bo cuenta di ARUBA DOET bo ta haya bou di bo trabou un boton cu ta bisa: "Financial assistance”. Anto, si a traha e peticion financiero caba anto kier edit e pa drech'e, e ora ta bay riba My projects anto lo wak skirbi "Ahusta e peticion financiero".

  • Tene cuenta! Bo por aplica pa un contribucion financiero te cu dia 22 di maart 2025 y pa e Early Doeti e ta 10 di maart. Presupuesto ta limita, asina ta, no warda te ultimo momento!

Condicionnan pa aplica pa un contribucion financiero:

Bo peticion mester cumpli cu tur e siguiente condicionnan:

  1. Bo organisacion ta un fundacion, asociacion, of un scol oficial cu un propio cuenta di banco;
  2. Bo organisacion ta inscribi na Camber di Comercio cu excepcion di scolnan;
  3. Bo organisacion no tin como meta den su statutonan of reglamentonan conviccion religioso;
  4. E trabou mester cuadra cu e caracter di ARUBA DOET: Riba 16 y/of 17 di mei 2025, bo organisacion ta buscando boluntario pa completa algo concreto pa bo organisacion;
  5. Ta rekeri cu minimal mita di e trabou ta den man di boluntarionan cu te ainda no ta involucra den bo organisacion;
  6. Ta duna solamente un contribucion financiero pa adres/luga.
  7. Bo organisacion ta responsabel pa e mes pidi y registra e contribucion financiero. Tur e condicionnan con pa haci esaki ta para riba e website of den e toolkit;

Si bo organisacion no por cumpli cu e condicionnan ariba menciona, Bo organisacion por participa y haya boluntario pero bo organisacion no ta yega na remarca pa haya contribucion financiero di Oranje Fonds.

Atencion: Nos kier duna contribucion financiero na mas organisacion cu ta posibel, pero nos presupuesto ta limita. Si bo trabou of actividad no ta cumpli cu e puntonan menciona ariba, bo no por haya un contribucion financiero. Naturalmente, bo organisacion por participa cu ARUBA DOET pa ricibi ayudo boluntario y e materialnan promocional. P'esey mes, registra bo trabou lihe. Asina boluntarionan por haya bo proyecto facilmente.

E contribucion pa un proyecto ta: 

  • Proyecto chikito (5-9 boluntario) AWG 200-800 (max. AWG 150,- pa F&B). 
  • Proyecto grandi (10+ boluntario) AWG 1.100 (max. AWG 250,- pa F&B)

Kico nos ta cubri:

  • Materialnan (bruto) pa trabou manera verf, kwashi, palo, waya y staca pa cura, articulo di limpiesa, mata, materialnan chikito di metal (schroef, haak, scarnir) etc. 
  • Huurmento di herment of aparato grandi manera trapi, pressurewasher, mashin di corta yerba, chapi, shobel, etc.
  • Cuminda y bebida pa boluntarionan: maximo AWG 250 (cu exepcion di proyectonan social).

Exclusivamente pa organisacion/institucion pa persona cu limitacion fisico of mental:

  • Gastonan di excurcion cu e grupo meta di bo organisacion, manera huur di bus, pago pa entrada etc.
  • Pago pa artistanan manera payaso y cantante of pelukero y estecista pa malcria un grupo pa un of parti di dia: maximo AWG 600.
  • Den caso cu bo actividad ta un desayuno, lunch, high tea of algo similar pa bo clientenan, bo por haci uzo completo di e contribucion financiero pa cuminda y bebida.

Kico nos no ta cubri:

  • Trabou of organisacion cu no ta cumpli cu e criteria general;
  • Compra di herment of materialnan di uzo manera boormashin, trapi, etc.;
  • Gasto pa pone boluntarionan nobo y actual den spotlight;
  • Material pa dorna locacion di actividad of trabou (blaas, slingers) y gasto di imprenta of materialnan promocional;
  • Premio pa bingo of otro tipo di actividad of wega.

Procedura financiero:

Yena e formulario pa aplica pa un contribucion financiero. Manera cu Oranje Fonds aproba (completo of parcialmente) bo peticion pa haya un contribucion financiero pa ARUBA DOET bo lo ricibi un notificacion por escrito. E contribucion lo bo ricibi via un transferencia bancario for di CEDE Aruba, no mas laat cu 23 di April 2025. Asina bo por haci bo compranan na tempo. E team di ARUBA DOET lo organisa un anochi di encuentro pa busca e materialnan promocional.