Kico ta ARUBA DOET | ARUBA DOET

Riba Diabierna 16 y Diasabra 17 di mei 2025, CEDE ARUBA en cooperacion cu Oranje Fonds ta organisa ARUBA DOET, e accion boluntario mas grandi na Aruba.

ARUBA DOET a cuminsa na aña 2013 bou iniciativa di Oranje Fonds. Bou nombernan di NL DOET, ARUBA DOET, BON DOET, CURA DOET, STATIA DOET, SABA DOET y SMX DOET, e seis iniciativanan aki ta pone trabou boluntario den spotlight y stimula tur hende pa pone man na obra pa un of parti di dia. Asina Oranje Fonds hunto cu miles di organisacionnan social y partnernan manera CEDE ARUBA ta organisa e accion boluntario mas grandi den Reino.

Boluntarionan

Boluntarionan ta e motor tras di hopi organisacionnan social. Cu ARUBA DOET, CEDE Aruba y Oranje Fonds ta demonstra con importante ciudadanonan activo ta pa comunidad. Banda di esey ARUBA DOET ta aporta na e bon imagen di trabou boluntario y ta ilustra con dushi esaki por ta.

Cantidad record

Na 2022 mas di 3.200 boluntario a duna un man na 189 proyecto na Aruba y na 2023 nos a haya casi 4.000 boluntario y 194 proyecto. Na 2024 mas di 3.500 boluntario a duna un man na 172 proyecto. Naturalmente na 2025 nos kier pa mas hende ta activo durante e dianan di ARUBA DOET. Regista bo proyecto of participa como boluntario!

Oranje Fonds & CEDE ARUBA

Oranje Fonds ta e fondo mas grandi riba tereno social y ta demostra e miho parti di Reino. Pa aña Oranje Fonds ta inverti mas o menos €30 miyon den organisacion y iniciativanan cu ta reforsa e lasonan social na Hulanda y e parti Caribense di Reino. Rey Willem-Alexander y Reina Maxima ta e pareha protector di e Fondo aki. Bishita www.oranjefonds.nl pa mas informacion.

CEDE ARUBA ta un organisacion cu ta duna sosten na desaroyo y co-financiamento di programa y proyectonan den sector social. E programa y proyectonan aki ta wordo introduci y realisa pa non-governmental organizations (ngo’s). Na Aruba tin hopi NGO’s cu ta haci nan esfuerso pa mehora e facilidadnan social pa comunidad. CEDE ARUBA ta yuda NGO’s cu desaroyo y financiamento di tur sorto di proyecto duradero. Bishita www.cedearuba.org pa mas informacion.

Aki tambe bo por mira e portretnan di aruba doet 2023.

Partnernan

Bo compania tambe ta sostene e accion boluntario di mas grandi na Aruba?

Pa por logra completa tur e trabounan riba 16 y 17 di mei 2025, organisacionnan social mester di hopi recurso. Esakinan ta inclui materialnan manera verf y palo, pero tambe comestibel pa por zorg pa cuminda y bebida pa e boluntarionan.

Bo por conta cu e gradicimento di hopi organisacion, boluntario y persona cu ta wordo benificia di e actividad aki. ARUBA DOET lo ta hopi visible den prensa y bo compania por beneficia di e spotlight positivo aki.

Mas informacion »

Prensa

Informacion general

Durante ARUBA DOET 2024, 172 organisacion social cu ayudo di mas un menos 3.500 boluntario a logra completa e proyectonan. E prome 12 edicionnan di ARUBA DOET tabata exitoso. Hunto nos por haci e di 13 edicion aki tambe uno exitoso.

ARUBA DOET lo tuma luga Diabierna 16 y Diasabra 17 di mei 2025. Hunto cu NL DOET, BON DOET, CURA DOET, STATIA DOET, SABA DOET y SXM DOET e eventonan aki ta e iniciativa di boluntario mas grandi den Reino.

Mas informacion »

Mas tocante CEDE Aruba

CEDE Aruba

CEDE Aruba ta un organisacion cu ta duna sosten na desaroyo y co-financiamento di programa y proyectonan den sector social. E programa y proyectonan aki ta wordo introduci y realisa pa non-governmental organizations (NGO’s). Na Aruba tin hopi NGO’s cu ta haci nan esfuerso pa mehora e facilidadnan social pa comunidad. CEDE Aruba ta yuda NGO’s cu desaroyo y financiamento di tur sorto di proyecto duradero. Pa mas informacion di CEDE Aruba bishita www.cedearuba.org.

Mas informacion »

Disclaimer

Renuncia Responsabilidad

Oranje Fonds ta boga pa mantene e website aki miho cu ta posibel. Un gran parti di informacion riba e website ta wordo introduci pa diferente persona cu ta ofrece trabou y actividadnan di apoyo. Oranje Fonds no ta responsabel pa exactitud di e informacion, of calidad di e trabounan aki. Pa es motibo e organisacion no ta asumi ningun responsabilidad den forma ni cantidad di informacion suministra, originador di uso of resultado di e confiansa deposita den e website aki.

Mas informacion »