Participa hunto cu nos durante ARUBA DOET

Participa?

Bo kier pone man na obra pa un of parti di dia na un fundacion, scol, institucion di cuido, centro di bario, grupo di scouting of club di deporte? Participa riba diabierna 9 y diasabra 10 di maart 2018 cu ARUBA DOET.  Y forma parti di un di e accionnan boluntario mas grandi den Reino. Sera conoci cu trabou boluntario y yuda un organisacion completa un trabou of actividad. Bo por tin sigur cu bo lo pasa bon!

Busca desde fin di december 2017 un trabou of actividad riba e website aki y registra como boluntario!

Bista di tur Proyecto

Participa como compania/scol

Kico participacion cu ARUBA DOET ta trece cu ne?

Participacion cu ARUBA DOET ta duna e isla y bo compania of scol un impulso positivo. Riba dje bo ta duna un bon ehempel y reforsa bo relacionnan local. Esaki sigur lo beneficia bo imagen.  E por yudabo tambe dentro di bo compania, manera coleganan di trabou motiva, amplia horizontenan, acceso na rednan nobo y atencion positivo di media door di ta presente na e publicidad positivo di e evento. Pa bo alumnonan e ta un experencia educativo pa duna un man na un organisacionnan social, kisas e ta sera conoci cu trabou boluntario pa prome biaha. Banda di esey e ta un dia dushi y cu ta inspira! Di otro banda e organisacionnan social por realisa nan metanan pa medio di bo yudansa cu riba nan propio forsa ta dificil of imposibel pa alcansa.

Mas informacion »

Participa como persona priva

Traha hunto cu bo amigonan y/of famia.

Claro cu bo por participa cu ARUBA DOET como persona priva. Sea cu bo ta participa bo so, cu un amigo of cu henter famia. Semper tin un trabou cu ta pas cu bo grupo. Kisas un limpiesa grandi den cura di un centro di bario, renoba e speelplein di un kleuterschool of verf cantina di un club di deporte. Tur caminda riba nos isla tin trabou pa completa y tin mester di boluntario. Scoge un trabou di bo gusto pa haci riba nos website y registra!

Mas informacion »