Participa como persona priva

Traha hunto cu bo amigonan y/of famia.

Claro cu bo por participa cu ARUBA DOET como persona priva. Sea cu bo ta participa bo so, cu un amigo of cu henter famia. Semper tin un trabou cu ta pas cu bo grupo. Kisas un limpiesa grandi den cura di un centro di bario, renoba e speelplein di un kleuterschool of verf cantina di un club di deporte. Tur caminda riba nos isla tin trabou pa completa y tin mester di boluntario. Scoge un trabou di bo gusto pa haci riba nos website y registra!

Participa como grupo

Mas man ta haci e trabou mas facil! Pakico bo no ta participa como grupo? Reuni bo famia, coleganan di trabou, miembronan di bo club (deportivo), of compañeronan di scol y duna un man na un trabou of actividad. Un bunita manera pa hunto haci algo bon.’

Pone bo nomber y/of logo

Si bo ta participa den grupo, bo por pone nomber di bo grupo of upload bo logo ora di registra. Asina bo por haci promocion na un manera facil pa bo compania, club deportivo, scol of club di servicio.

Con bo por participa?

Desde fin di januari bo ta haya bou di e boton ‘busca trabou’ un cantidad di trabou cu mester wordo completa na Aruba. Despues di bo escogencia bo por tuma contacto mesora cu e organisacion pa haya mas detaye di e trabou y intercambia informacion.

Bo kier sa mas?

Bo tin pregunta ainda of ta desea mas informacion, cu gusto nos ta yuda bo. Bo por manda un email na info.arubadoet@gmail.com of yama e team di ARUBA DOET, tel (+297) 582-7666