Participa como compania/scol

Kico participacion cu ARUBA DOET ta trece cu ne?

Participacion cu ARUBA DOET ta duna e isla y bo compania of scol un impulso positivo. Riba dje bo ta duna un bon ehempel y reforsa bo relacionnan local. Esaki sigur lo beneficia bo imagen.  E por yudabo tambe dentro di bo compania, manera coleganan di trabou motiva, amplia horizontenan, acceso na rednan nobo y atencion positivo di media door di ta presente na e publicidad positivo di e evento. Pa bo alumnonan e ta un experencia educativo pa duna un man na un organisacionnan social, kisas e ta sera conoci cu trabou boluntario pa prome biaha. Banda di esey e ta un dia dushi y cu ta inspira! Di otro banda e organisacionnan social por realisa nan metanan pa medio di bo yudansa cu riba nan propio forsa ta dificil of imposibel pa alcansa.

Participa como compania

ARUBA DOET ta un ocasion excelente pa demostra cu bo organisacion ta haci un esfuerso pa yega na un miho comunidad cu un miho calidad di bida. Como compania bo por busca por ehempel un trabou agradabel pa haci hunto cu bo coleganan di trabou. ARUBA DOET ta un bunita alternativa pa e tradicional ‘teambuilding’ of pa sali keiro un dia. Y empleadonan ta haya abilidadnan y experencia nobo. Pero bo por haci mas! Yuda haci e trabou boluntario un exito door di ofrece bo producto y servicionan gratis of cu rebaho. Por ehempel materialnan cu rebaho of sandwich pa lunch. Of haci uso di bo relacionnan di trabou, clientela of relacionnan di media.

Participa como scol

Naturalmente scolnan por participa tambe cu ARUBA DOET como boluntario. Reuni un klas of grupo di alumno y duna un man . Bo por yuda organisa un atardi di wega na un cas di cuido of haci un speeltuin limpi.

(break)

Con bo por yuda traha?

Desde fin di december bo ta haya bou e boton 'bista di tur proyecto' un cantidad di trabou cu tin cu wordo completa na Aruba of click aki pa bai dibiaha na e resumen di trabou. Despues cu bo a scoge uno, bo por tuma contacto cu e organisacion pa haya mas detaye di e trabou y intercambia informacion.

Inicia un trabou bo mes?

Pa cu esaki bo por tuma contacto cu e team di ARUBA DOET. Casi sigur bo mes lo por tin un idea caba pa ken bo kier nifica algo. Pero bo por pensa algo tambe pa un organisacion di un colega. E institucion unda un di bo grandinan of un mucha incapacita ta hospeda. E creche of asociacion deportivo unda un colega ta traha como boluntario. Aki tambe bo por haci y inicia cierto trabou. Den prome instante e organisacion di e trabou ta den bo man.

Organisacion di esaki ta den bo mes man den prome instante. TENE NA CUENTA: solamente e organisacion social por registra e trabou riba e website y por yega na remarca pa haya un contribucion financiero for  di Oranje Fonds. Organisacionnan cu ta participa como boluntario no.

Bo kier sa mas?

Si ainda bo tin pregunta of ta desea mas informacion, cu gusto nos ta yuda bo. Bo por manda un email na info.arubadoet@gmail.com of yama e team di ARUBA DOET, tel (+297) 582-7666